ഗ്രാമ പഞ്ചായത്തിൻ്റെ ചുമതലകൾ
പഴയന്നൂർ ഗ്രാമപഞ്ചായത്ത്
ഗ്രാമപഞ്ചായത്തിന്റെ ചുമതലകൾ
ഗ്രാമപഞ്ചായത്ത് പ്രദേശത്തെ ജനങ്ങൾക്ക് പഴയന്നൂർ ഗ്രാമപഞ്ചായത്ത് നൽകേണ്ട സേവനങ്ങളും നിർവ്വഹിക്കേണ്ട ചുമതലകളും
🗳️ 24 വാർഡുകൾ 🏘️ 4 വില്ലേജുകൾ 📐 59.03 ച.കി.മീ. 👥 ജനസംഖ്യ 40,256 (2011)
📌
27
അനിവാര്യ ചുമതലകൾ
📝
14
പൊതുവായ ചുമതലകൾ
🧩
19
മേഖലകൾ
➕
2
അധിക ചുമതലകൾ
എഅനിവാര്യ ചുമതലകൾ
ഗ്രാമപഞ്ചായത്ത് പ്രദേശത്തെ താമസക്കാർക്ക് നിർബന്ധമായും നൽകേണ്ട 27 സേവനങ്ങൾ
1
കെട്ടിട നിർമ്മാണം നിയന്ത്രിക്കുക.
2
പൊതുസ്ഥലങ്ങൾ കൈയ്യേറാതെ സംരക്ഷിക്കുക.
3
പരമ്പരാഗത കുടിവെള്ള സ്രോതസ്സുകൾ സംരക്ഷിക്കുക.
4
കുളങ്ങളും മറ്റ് ജലസംഭരണികളും സംരക്ഷിക്കുക.
5
ഗ്രാമപഞ്ചായത്തിന്റെ ചുമതലയിലുള്ള ജലമാർഗ്ഗങ്ങളും കനാലുകളും പരിരക്ഷിക്കുക.
6
ഖരമാലിന്യങ്ങൾ ശേഖരിക്കുകയും കൈയൊഴിയുകയും ചെയ്യുക, ദ്രവമാലിന്യം നീക്കം ചെയ്ത് ക്രമീകരിക്കുക.
7
പേമാരിമൂലമുണ്ടാകുന്ന വെള്ളം ഒഴുക്കിക്കളയുക.
8
പരിസ്ഥിതി ആരോഗ്യകരമാക്കി സംരക്ഷിക്കുക.
9
പൊതുമാർക്കറ്റുകൾ പരിപാലിക്കുക.
10
സാംക്രമിക രോഗവാഹികളെ നിയന്ത്രിക്കുക.
11
മൃഗങ്ങളുടെ കശാപ്പ്, മാംസം, മത്സ്യം, എളുപ്പത്തിൽ കേടുവരുന്ന മറ്റ് ഭക്ഷ്യ വസ്തുക്കൾ എന്നിവയുടെ വിൽപ്പന മുതലായവ നിയന്ത്രിക്കുക.
12
ഭക്ഷണശാലകളെ നിയന്ത്രിക്കുക.
13
ഭക്ഷണത്തിൽ മായം ചേർക്കുന്നത് തടയുക (സർക്കാർ തീരുമാനപ്രകാരം ലൈസൻസ് നൽകുന്നതില്ല).
14
റോഡുകളും മറ്റ് പൊതു മുതലുകളും സംരക്ഷിക്കുക.
15
തെരുവ് വിളക്കുകൾ കത്തിക്കുകയും അവയെ പരിപാലിക്കുകയും ചെയ്യുക.
16
രോഗപ്രതിരോധ നടപടികൾ സ്വീകരിക്കുക.
17
രോഗപ്രതിരോധത്തിനും നിയന്ത്രണത്തിനുമായി ദേശീയ തലത്തിലും സംസ്ഥാന തലത്തിലുമുള്ള തന്ത്രങ്ങളും പരിപാടികളും ഫലപ്രദമായി നടപ്പാക്കുക.
18
ശവപ്പറമ്പുകളും ശ്മശാനങ്ങളും സ്ഥാപിക്കുകയും സംരക്ഷിക്കുകയും ചെയ്യുക.
19
അപകടകരവും അസഹ്യകരവുമായ വ്യാപാരങ്ങൾക്ക് ലൈസൻസ് നൽകുക.
20
ജനനവും മരണവും രജിസ്റ്റർ ചെയ്യുക.
21
കുളിക്കടവുകളും അലക്കുകടവുകളും സ്ഥാപിക്കുക.
22
കടത്തുകൾ ഏർപ്പെടുത്തുക.
23
വാഹനങ്ങൾ പാർക്ക് ചെയ്യുന്നതിനുള്ള താവളങ്ങൾ ഏർപ്പെടുത്തുക.
24
യാത്രക്കാർക്കായി വെയ്റ്റിംഗ് ഷെൽട്ടറുകൾ നിർമ്മിക്കുക.
25
പൊതുസ്ഥലങ്ങളിൽ മൂത്രപ്പുരയും കക്കൂസും കുളിസ്ഥലങ്ങളും ഏർപ്പെടുത്തുക.
26
മേളകളുടെയും ഉത്സവങ്ങളുടെയും നടത്തിപ്പ് ക്രമീകരിക്കുക.
27
വളർത്തുനായ്ക്കൾക്ക് ലൈസൻസ് നൽകുകയും അലഞ്ഞുതിരിയുന്ന നായ്ക്കളെ ഇല്ലാതാക്കുകയും ചെയ്യുക.
ബിപൊതുവായ ചുമതലകൾ
വികസനത്തിനും സാമൂഹ്യ ഉന്നമനത്തിനുമുള്ള 14 പൊതുചുമതലകൾ
1
അവശ്യമുള്ള വിവരകണക്കുകൾ ശേഖരിക്കുകയും കാലാനുസൃതമാക്കുകയും ചെയ്യുക.
2
സ്വയം സഹായസംഘങ്ങൾ സംഘടിപ്പിക്കുകയും കൂട്ടായ പ്രവർത്തനങ്ങളിൽ ഭാഗഭാക്കുകളാകുകയും ചെയ്യുക.
3
മിതവ്യയം ശീലിക്കുന്നതിന് പ്രചരണ പരിപാടികൾ സംഘടിപ്പിക്കുക.
4
മദ്യപാനം, മയക്കുമരുന്നുകളുടെ ഉപയോഗം, സ്ത്രീധനം, സ്ത്രീകളെയും കുട്ടികളെയും പീഡിപ്പിക്കൽ തുടങ്ങിയ സാമൂഹ്യ തിന്മകൾക്കെതിരെ ബോധവത്ക്കരണം നടത്തുക.
5
വികസനത്തിന്റെ എല്ലാ ഘട്ടങ്ങളിലും പരമാവധി ജനപങ്കാളിത്തം ഉറപ്പുവരുത്തുക.
6
പ്രകൃതിക്ഷോഭമുണ്ടാകുമ്പോൾ ദുരിതാശ്വാസ പ്രവർത്തനങ്ങൾ സംഘടിപ്പിക്കുക.
7
പരിസ്ഥിതി സംബന്ധിച്ച ബോധവത്ക്കരണം നടത്തുകയും അതിന്റെ ഉന്നമനത്തിനായി പ്രാദേശിക പ്രവർത്തന പരിപാടികൾക്ക് പ്രേരണ നൽകുകയും ചെയ്യുക.
8
സഹകരണ മേഖല വികസിപ്പിക്കുക.
9
സാമുദായിക ഐക്യം മെച്ചപ്പെടുത്തുക.
10
വികസനാവശ്യങ്ങൾക്ക് ഭൂമി സൗജന്യമായി വിട്ടുകൊടുക്കുന്നതുൾപ്പെടെ പണമായോ വസ്തുക്കളായോ പ്രാദേശികമായി വിഭവ സമാഹരണം നടത്തുക.
11
ദുർബല വിഭാഗങ്ങൾക്കിടയിൽ നിയമബോധവത്ക്കരണം പ്രചരിപ്പിക്കുക.
12
സാമ്പത്തിക കുറ്റങ്ങൾക്കെതിരെ പ്രചാരണം നടത്തുക.
13
പാവപ്പെട്ടവരെ കേന്ദ്രീകരിച്ച് അയൽക്കൂട്ടങ്ങളും സ്വാശ്രയ സംഘങ്ങളും രൂപീകരിക്കുക.
14
പൗരധർമ്മത്തെപ്പറ്റി ബോധവത്ക്കരണം നടത്തുക.
സിമേഖലാടിസ്ഥാനത്തിലുള്ള ചുമതലകൾ
19 മേഖലകളിലെ ചുമതലകൾ
🌾
കൃഷി
I
തരിശുഭൂമികളും പാഴ്പ്രദേശങ്ങളും കൃഷി ചെയ്യിപ്പിക്കുക.
ഭൂമിയുടെ പരമാവധി ഉപയോഗം ഉറപ്പുവരുത്തുക.
മണ്ണ് സംരക്ഷണം ഉറപ്പാക്കുക.
ജൈവവള ഉൽപ്പാദനം പ്രോത്സാഹിപ്പിക്കുക.
തവാരണങ്ങൾ (നഴ്സറികൾ) സ്ഥാപിക്കുക.
സഹകരണ-കൂട്ടുകൃഷി സംരംഭം പ്രോത്സാഹിപ്പിക്കുക.
കർഷകർക്കിടയിൽ സ്വാശ്രയ സംഘങ്ങൾ രൂപീകരിക്കുക.
ഉദ്യാന കൃഷിയും പച്ചക്കറി കൃഷിയും പ്രോത്സാഹിപ്പിക്കുക.
കാലിത്തീറ്റ വിള വികസനം.
സസ്യ സംരക്ഷണം.
വിത്ത് ഉൽപ്പാദനം.
കൃഷിയിടങ്ങളുടെ യന്ത്രവത്കരണം പ്രോത്സാഹിപ്പിക്കുക.
കൃഷിഭവനുകളുടെ നടത്തിപ്പ്.
🐄
മൃഗസംരക്ഷണവും ക്ഷീരോൽപാദനവും
II
കന്നുകാലി വികസന പരിപാടികൾ.
ക്ഷീരോൽപാദനം.
കോഴി, തേനീച്ച, പന്നി, ആട്, മുയൽ ഇവ വളർത്തുക.
മൃഗാശുപത്രികൾ നടത്തുക.
ഐ.സി.ഡി.പി ഉപകേന്ദ്രങ്ങൾ നടത്തുക.
മൃഗങ്ങൾക്കായുള്ള പ്രതിരോധ ആരോഗ്യ പരിപാടികൾ.
മൃഗങ്ങളോടുള്ള ക്രൂരത തടയുക.
പ്രത്യുൽപ്പാദന ക്ഷമത വികസന പരിപാടികൾ നടപ്പാക്കുക.
മൃഗജന്യമായ രോഗങ്ങൾ നിയന്ത്രിക്കുക.
💧
ചെറുകിട ജലസേചനം
III
ഒരു ഗ്രാമപഞ്ചായത്ത് പ്രദേശത്തിനകത്ത് വരുന്ന എല്ലാ ചെറുകിട ജലസേചന പദ്ധതികളും പരിപാലിക്കുകയും നടപ്പാക്കുകയും ചെയ്യുക.
എല്ലാ സൂക്ഷ്മ ജലസേചന പദ്ധതികളും നടപ്പാക്കുകയും പരിപാലിക്കുകയും ചെയ്യുക.
ജലസംരക്ഷണം പ്രാവർത്തികമാക്കുക.
🐟
മത്സ്യബന്ധനം
IV
കുളത്തിലെ മത്സ്യസമ്പത്തിന്റെ വികസനവും ശുദ്ധജലത്തിലേയും ക്ഷാരജലത്തിലേയും മീൻ വളർത്തലും സമുദ്ര വിഭവ വികസനവും നടപ്പാക്കുക.
മത്സ്യകുഞ്ഞുങ്ങളുടെ ഉൽപ്പാദനവും വിതരണവും വികസിപ്പിക്കുക.
മത്സ്യബന്ധനത്തിനുള്ള ഉപകരണങ്ങൾ വിതരണം ചെയ്യുക.
മത്സ്യ വിപണനത്തിന് സഹായം നൽകുക.
മത്സ്യത്തൊഴിലാളി കുടുംബങ്ങൾക്ക് കുറഞ്ഞ അടിസ്ഥാന സൗകര്യങ്ങൾ നൽകുക.
മത്സ്യത്തൊഴിലാളി ക്ഷേമ പദ്ധതികൾ നടപ്പാക്കുക.
🌳
സാമൂഹ്യ വനവത്കരണം
V
കാലിത്തീറ്റയ്ക്കോ വിറകിനോ വേണ്ടിയുള്ള വൃക്ഷങ്ങളും ഫലവൃക്ഷങ്ങളും ഉൽപ്പാദിപ്പിക്കുക.
വൃക്ഷം നട്ട് പിടിപ്പിക്കുന്നതിനും പരിസ്ഥിതി ബോധവത്ക്കരണ പ്രവർത്തനങ്ങൾ സംഘടിപ്പിക്കുക.
പാഴ് ഭൂമിയെ വനവത്കരിക്കുക.
🏭
ചെറുകിട വ്യവസായങ്ങൾ
VI
കുടിൽ-ഗ്രാമീണ വ്യവസായങ്ങൾ പ്രോത്സാഹിപ്പിക്കുക.
കൈത്തൊഴിലുകൾ പ്രോത്സാഹിപ്പിക്കുക.
പരമ്പരാഗതവും ചെറുതുമായ വ്യവസായങ്ങളെ വികസിപ്പിക്കുക.
🏠
ഭവന നിർമ്മാണം
VII
ഭവന രഹിതരെയും പുറമ്പോക്ക് നിവാസികളെയും കണ്ടെത്തി ഭവന നിർമ്മാണത്തിനായി ഭൂമിയും ഭവനങ്ങളും നൽകുക.
ഗ്രാമീണ ഭവന നിർമ്മാണ പദ്ധതികൾ നടപ്പാക്കുക.
അഭയ കേന്ദ്രങ്ങളുടെ ഉദ്ധാരണ പരിപാടികൾ നടപ്പാക്കുക.
🚰
ജലവിതരണം
VIII
ഒരു ഗ്രാമപഞ്ചായത്തിനകത്തുള്ള ജലവിതരണ പദ്ധതികളുടെ നടത്തിപ്പ്.
ഒരു ഗ്രാമപഞ്ചായത്തിനകത്തുള്ള ജലവിതരണ പദ്ധതികൾ സംവിധാനപ്പെടുത്തുക.
💡
വൈദ്യുതിയും ഊർജ്ജവും
IX
നിരത്തുകളിൽ വിളക്കുകൾ സ്ഥാപിക്കുകയും പരിപാലിക്കുകയും ചെയ്യുക.
ജൈവ വാതകത്തിന്റെ ഉപഭോഗം പ്രോത്സാഹിപ്പിക്കുക.
📚
വിദ്യാഭ്യാസം
X
സർക്കാർ പ്രീ-പ്രൈമറി സ്കൂളുകളുടേയും, പ്രൈമറി സ്കൂളുകളുടേയും, അപ്പർ പ്രൈമറി സ്കൂളുകളുടേയും നടത്തിപ്പ്.
സാക്ഷരതാ പരിപാടികൾ നടപ്പാക്കുക.
വായനശാലകളുടേയും ഗ്രന്ഥശാലകളുടേയും നടത്തിപ്പും പ്രോത്സാഹനവും.
🛣️
പൊതുമരാമത്ത്
XI
ഒരു ഗ്രാമപഞ്ചായത്തിനുള്ളിലെ ഗ്രാമീണ റോഡുകൾ നിർമ്മിക്കുകയും, പരിപാലിക്കുകയും ചെയ്യുക.
സർക്കാരിൽ നിന്നും കൈമാറ്റം ചെയ്തു കിട്ടിയവ ഉൾപ്പെടെയുള്ള സ്ഥാപനങ്ങൾക്കുവേണ്ടിയുള്ള കെട്ടിട നിർമ്മാണം നടത്തുക.
🏥
പൊതുജനാരോഗ്യവും ശുചീകരണവും
XII
ഡിസ്പെൻസറികളും പ്രാഥമികാരോഗ്യ കേന്ദ്രങ്ങളും ഉപകേന്ദ്രങ്ങളും (എല്ലാത്തരം ചികിത്സാ സമ്പ്രദായങ്ങളും ഉൾപ്പെടെ) നടത്തുക.
മാതൃ-ശിശുക്ഷേമ കേന്ദ്രങ്ങൾ നടത്തുക.
പ്രതിരോധ കുത്തിവയ്പ്പും മറ്റ് പ്രതിരോധ നടപടികളും നടത്തുക.
കുടുംബക്ഷേമ പ്രവർത്തനങ്ങളും പരിപാടികളും നടത്തുക.
ശുചീകരണ പ്രവർത്തനങ്ങൾ നടത്തുക.
🤝
സാമൂഹ്യക്ഷേമം
XIII
അംഗൻവാടികൾ നടത്തുക.
അഗതികൾക്കും, വിധവകൾക്കും, വികലാംഗർക്കും, കർഷക തൊഴിലാളികൾക്കുമുള്ള പെൻഷൻ അനുവദിക്കുകയും വിതരണം ചെയ്യുകയും ചെയ്യുക.
തൊഴിലില്ലായ്മ വേതനം നൽകുക.
വിധവകളുടെ പെൺമക്കളുടെ വിവാഹത്തിന് ധനസഹായം അനുവദിക്കുക.
ദരിദ്ര വിഭാഗങ്ങൾക്ക് ഗ്രൂപ്പ് ഇൻഷ്വറൻസ് പദ്ധതി നടപ്പാക്കുക.
🌱
ദാരിദ്ര്യ നിർമ്മാർജ്ജനം
XIV
ദരിദ്രരെ കണ്ടെത്തുക.
പാവപ്പെട്ടവർക്ക് പ്രത്യേകിച്ച് സ്ത്രീകൾക്ക് സ്വയം തൊഴിലും, ഗ്രൂപ്പ് എംപ്ലോയ്മെന്റും പ്രദാനം ചെയ്യുന്ന പദ്ധതികൾ നടപ്പാക്കുക.
പാവപ്പെട്ടവർക്ക് തുടർച്ചയായി സഹായം കിട്ടത്തക്ക തരത്തിൽ സാമൂഹ്യ ആസ്തികൾ ഉണ്ടാക്കുക.
⚖️
പട്ടികജാതി - പട്ടികവർഗ വികസനം
XV
എസ്.സി.പി, റ്റി.എസ്.പി ഇവയുടെ കീഴിൽ ഗുണഭോക്താക്കളെ ലക്ഷ്യമാക്കിയുള്ള പദ്ധതികൾ നടപ്പാക്കുക.
പട്ടികജാതി - പട്ടികവർഗ്ഗങ്ങൾക്ക് വേണ്ടി നഴ്സറി സ്കൂളുകൾ നടത്തുക.
പട്ടികജാതി - പട്ടികവർഗ്ഗ വാസകേന്ദ്രങ്ങളിൽ അടിസ്ഥാന സൗകര്യങ്ങൾ ഏർപ്പെടുത്തുക.
പട്ടികജാതി - പട്ടികവർഗ്ഗ വിദ്യാർത്ഥികൾക്ക് സഹായം നൽകുക.
പട്ടികജാതി - പട്ടികവർഗ്ഗങ്ങൾക്ക് ആവശ്യമുള്ളപ്പോൾ വിവേചനാധിഷ്ഠിത സഹായം നൽകുക.
🏏
കായിക വിനോദവും സാംസ്കാരിക കാര്യങ്ങളും
XVI
കളിസ്ഥലങ്ങൾ നിർമ്മിക്കുക.
സാംസ്കാരിക നിലയങ്ങൾ സ്ഥാപിക്കൽ.
🛒
പൊതുവിതരണ സംവിധാനം
XVII
പൊതുവിതരണ സംവിധാനത്തിനെതിരെയുള്ള പരാതികൾ പരിശോധിക്കുകയും നിവാരണം നടത്തുകയും ചെയ്യുക.
അളവ്-തൂക്കങ്ങൾ സംബന്ധിച്ച കുറ്റങ്ങൾക്കെതിരെ പ്രചാരണം സംഘടിപ്പിക്കുക.
റേഷൻ കടകളുടെയും മാവേലി സ്റ്റോറുകളുടെയും നീതി സ്റ്റോറുകളുടെയും മറ്റ് പൊതുവിതരണ സംവിധാനങ്ങളുടെയും പൊതുവായ മേൽനോട്ടവും മാർഗ്ഗനിർദ്ദേശവും നടത്തുക; ആവശ്യമെങ്കിൽ പുതിയ പൊതുവിതരണ കേന്ദ്രങ്ങൾ ആരംഭിക്കുക.
🆘
പ്രകൃതിക്ഷോഭ ദുരിതാശ്വാസം
XVIII
ദുരിതാശ്വാസ കേന്ദ്രങ്ങൾ പരിപാലിക്കുക.
പ്രകൃതിക്ഷോഭവുമായി ബന്ധപ്പെട്ട പണികൾ നടത്തുക. ആസ്തികൾക്കുണ്ടാകുന്ന നാശനഷ്ടങ്ങൾ പരിഹരിക്കുന്ന ജോലികൾ അതത് പഞ്ചായത്തുകൾ നിർവ്വഹിക്കേണ്ടതാണ്.
🤲
സഹകരണം
XIX
ഗ്രാമപഞ്ചായത്ത് അതിർത്തിക്കുള്ളിൽ സഹകരണ സംഘങ്ങൾ സംഘടിപ്പിക്കുക.
നിലവിലുള്ള സഹകരണ സ്ഥാപനങ്ങളെ ശക്തിപ്പെടുത്തുക.
ഡിഅധിക ചുമതലകൾ
ഗ്രാമപഞ്ചായത്തിൽ നിക്ഷിപ്തമായ മറ്റ് ചുമതലകൾ
⚒️
മഹാത്മാഗാന്ധി ദേശീയ തൊഴിലുറപ്പ് പദ്ധതി
ഗ്രാമീണ മേഖലയിൽ തൊഴിലെടുക്കാൻ സന്നദ്ധരായ അവിദഗ്ദ്ധ തൊഴിലാളികളുള്ള ഒരു കുടുംബത്തിന് ഒരു സാമ്പത്തികവർഷം 100 ദിവസമെങ്കിലും തൊഴിൽ ലഭ്യമാക്കി അവരുടെ ജീവിത നിലവാരം ഉയർത്തുക എന്ന ലക്ഷ്യത്തോടെ നടപ്പാക്കുന്ന ദേശീയ ഗ്രാമീണ തൊഴിലുറപ്പ് പദ്ധതി. പഴയന്നൂർ ഗ്രാമപഞ്ചായത്തിൽ ഇതിനായി പ്രത്യേക വിഭാഗം പ്രവർത്തിക്കുന്നു.
🚭
ലഹരി പദാർത്ഥങ്ങളുടെ വിൽപ്പന നിരോധനം
ലഹരി പദാർത്ഥങ്ങളുടെ വിൽപ്പന നിരോധിക്കുന്നതിനും ബന്ധപ്പെട്ട നിയമനടപടികൾ പ്രാവർത്തികമാക്കുന്നതിനും വേണ്ട നടപടികൾ സ്വീകരിക്കുക.
സേവനങ്ങൾക്കും സംശയങ്ങൾക്കും ബന്ധപ്പെടുക
ഈ ചുമതലകളുമായി ബന്ധപ്പെട്ട സേവനങ്ങൾക്കും പരാതികൾക്കും പഴയന്നൂർ ഗ്രാമപഞ്ചായത്ത് ഓഫീസുമായി ബന്ധപ്പെടാം.
📍 പഴയന്നൂർ പി.ഒ, തൃശ്ശൂർ ജില്ല - 680587 ✉️ pazhayannurgp@gmail.com 📞 9961618261 (സെക്രട്ടറി ഇൻ ചാർജ്ജ്)
ഈ പേജിലെ വിവരങ്ങൾ 1994-ലെ കേരള പഞ്ചായത്ത് രാജ് ആക്ടിലെ മൂന്നാം പട്ടികയെ അടിസ്ഥാനമാക്കിയുള്ളതാണ്. ഔദ്യോഗിക പാഠത്തിനും ഭേദഗതികൾക്കും ആക്ട് കാണുക.